நாளை நடைபெறவுள்ள பொதுத்தேர்தலுக்கான வாக்களிப்பு நிலையங்களுக்கு வாக்குப்பெட்டிகளை எடுத்து செல்லும் பணிகள் இன்று காலை 8 மணிக்கு ஆரம்பித்தது.

அதேநேரம் பொதுத்தேர்தலுக்கான வாக்களிப்பு நாளை காலை 7 மணிக்கு ஆரம்பமாகவுள்ளது. மாலை 5 மணிக்கு வாக்களிப்பு நிறைவடைகிறது. வழமையாக நேரத்தை விட ஒரு மணி நேரம் நீடிக்கப்பட்டுள்ளது.

இந்த முறை பொதுத்தேர்தலில் 22 மாவட்டங்களில் அங்கிகரிக்கப்பட்ட 20 அரசியல் கட்சிகளும், 34 சுயேட்சைக்குழுக்களும் போட்டியிடவுள்ளன.

அவற்றில் 7,452 வேட்பாளர்கள் களம் இறங்கியுள்ளனர்.

அத்துடன் குறித்த பொதுத்தேர்தலில் நாடளாவிய ரீதியில் உருவாக்கப்பட்ட 12 ஆயித்து 984 வாக்களிப்பு நிலையங்களில் ஒரு கோடியே 62 இலட்சத்து 63 ஆயிரத்து 885 பேர் வாக்களிப்பதற்கு தகுதி பெற்றுள்ளனர்.

இதேவேளை, சுகாதார நடைமுறைகள் உரிய வகையில் பின்பற்றப்பட்டு வாக்களிப்பு நடிவடிக்களுக்கு தேவையான ஏற்பாடுகள் செய்யப்பட்டுள்ளதால் பொதுமக்கள் அச்சமின்றி வாக்களிக்குமாறு தேர்தல் ஆணைக்குழு கோரிக்கை விடுத்துள்ளது